Våt Moro har lang tradisjon med å skape leik, aktivitet og festligheiter i Noregs vestlegaste by. På fredag kveld er det duka for quiz og allsang i teltet, og saman inviterer vi til vors i teltet. Sjølv om nokre av spørsmåla på quizen er over snittet vanskelege trur vi dei fleste kjem seg godt opp på poengtavla om ein har følgt nokolunde med i timane på barneskulen og elles hatt eit normalt forhold til verdas musikk- og TV-bransje. Våt Moro har tradisjonen tru lagt inn fleire utfordringar undervegs og ein får verkeleg bryne seg på ulike tema gjennom kvelden! Når vinnaren er tildelt heder, ære og ein verdig premie, entrar partybandet Waterproof scena og spelar opp til allsang og dans på borda.
Bruk promo-koden «florau40» for å få tilgang til billetten med AfterSea-vors inkludert. Vi set saman lag blant vors-deltakarane, så her kan du trygt komme aleine. Billetten inkluderer 2 drikkebongar og snacks.
Har du allereie kjøpt festivalpass eller billett og ønskjer å vere med? Send ei melding til Våt Moro eller hei@vatmoro.no så fiksar vi det.
VIKTIG! Billetten må nyttast på Flora U40-vorset. Vorset startar 17:30 og vi håpar du kjem før kl. 18. Dørene til quizen opnar kl. 19.
