Er du klar for ei økt med både trøkk og god stemning?

Lørdag 14. mars kl. 11:00 inviterer Flora U40 til Hyrox-inspirert sirkeltrening på Spenst Florø. Dette blir ei sosial og lavterskel treningsøkt med god flyt, enkle øvingar og skikkeleg bra stemning.

Hyrox kombinerer styrke og kondisjon, og vi riggar til ein sirkel der du får testa både puls og vilje – utan at det blir høgtideleg eller komplisert. Her handlar det om å møte opp, gi det du har den dagen og ha det kjekt saman med andre.

Vi har 30 plassar, og det er førstemann til mølla som gjeld.

Dette blir rett og slett skikkeleg kjekt – bli med!