Så kjekt at du vil flytte til vår vesle by! Her finn du ei oversikt over kva du kan gjere og oppleve i området. 

Praktisk info

No er du i Kinn kommune. Ein noko rar kommune, sett i lys av geografien. Treng du å vite meir om kommunale ting og tang? Barnehageplass? Bosstømming? Du finn alt det her.

Vi har ein sentral flyplass, ein kjapp køyretur på 5 minutter, med fly til Oslo, Trondheim og Bergen. Hurtigbåten kan ta deg til Askvoll, Bergen, Måløy og Selje, og du kan komme deg til eventyrlege Kalvåg på 45 minutt med offentleg transport. Det går ofte buss til Førde, og tar rundt ein time. I bykjerna Florø er det god tilgang på parkering, og det er verdt å vite at det er parkeringsavgift dei fleste plassar. Buss- og båttider finn du på Skyss sine nettsider og hurtigbåten på Norled sine sider.

Er du på jakt etter plass å bu? Dei fleste leiligheter til leige i Florø blir lagt ut på Facebook grupper, og ikkje Finn.no eller hybel.no. Det er verdt å sjekke ut gruppene Leiligheter til leige i Florø og omegn og Kjøpe – Selge – Leie – Bytte – Låne – Gi bort – i Florø og omegn. Her kjem det jamnt og trutt ut ledige leiligheter i Florø, og i Kjøpe – Selge kan du finne gode kupp på brukte møblar og utstyr til heimen. 

Turområder

Florø er i umiddelbar nærhet til sjøen og herlig natur. Det fins fine turområder rundt sentrum, som Lilleåsen, Storeåsen, Brandsøyåsen og Sørstrand Folkepark. Flora turlag, det lokale turlaget, arrangerar turar og har masse inspirasjon til turar i nærområdet. Dei arrangerar også Trimpoeng, der du kan oppdage korte og flotte nærturar medan du samlar poeng. Her kan du vinne flotte premiar for flest poeng, eller berre ved å delta. Absolutt verdt å sjekke ut! Elles ligg det mange flotte turar på ut.no. Området vårt er kjent for flotte øyer, og dei er heilt spesielle. Vi kan anbefale ein ettermiddag på Kinn, Reksta, Svanøy eller Askrova. Mykje å velge i der! 

Mat og drikke

Fysen på sushi, lokalt øl eller kanskje litt mat dagen derpå? Florø har eit godt utvalg. 

• Kafear: Naustdal dampbakeri, Aroma Café, Kafé Kandis, Lille Marked.
• Restaurantar: Bolette på Comfort Hotell, Hjørnevikbua, Thai Isaan, Europa Restaurant, Nye Shanghai House, Restaurant Bryggekanten på Quality Hotell.
• Bar & pub: Vesle Kinn, Bolette, Hjørnevikbua
• Dagen derpå: MIX, Amanda Grill, Circle K, Pizzabakeren

På REKO-ringen Florø kan du bestille lokalmat rett frå produsenten. Annakvar torsdag klokka 16:30 kjem dei til Rema Evja og leverer ut bestillingane dine. Sjekk ut facebook sida for datoar og produsentar som stiller.

Fritidsaktivitetar og kultur

Florø har eit godt utval av fritidsaktiviteter, frå fotball til sjakk og golf. Her kan vi nemne FK Tempo som har fotballag til spelelystne herrer og kvinner, med fokus på høg trivselsfaktor. Ellers har vi alt frå sjakklubb, klatreklubb, golfklubb, discgolf, filmklubb, og kunstlag. Send oss gjerne ein mail på florau40@aksello, dersom du har ein aktivitet du ønsker å drive med i organisert form og ikkje finner eit tilbud som passar for deg. 

I Florø har vi tre treningssenter (tips: høyr med arbeidsgivaren din om dei har bedriftavtale med eit av sentera for ein litt snillare pris):

• Engen treningsenter: ubemanna og døgnope treningssenter.
• Spenst Florø, eit treningsenter fullt med utstyr for kondisjon og styrke, og med gruppetimar for ein kvar smak. 
• Havhesten: Benytt deg av svømmehallen, tren på styrkerommet og delta på eit av fleire spinningtimar dei har i løpet av veka.

På Florø kulturhus kan du for eksempel sjå dei nyaste kinoane, stand-up eller teaterverk. Her ligg også det lokale biblioteket, Florø folkebibliotek, som har eit stort utval av bøker og gjennom MeirOpe-ordninga kan du enkelt låne bøker utanfor bemanna tid. Vi har også ein ny, utandørs sauna som du kan booke – sjekk ut Kinn Damp.

Liv og røre

Florø har fleire arrangement og festivalar med tradisjon langt tilbake i dag, som er verdt å få med seg. 

• Florarevyen – På vinterhalvåret set revygjengen opp Florarevyen, og tar tak i høgst aktuelle saker i vårt vesle samfunn. 
• Våt Moro – Ekstrem natur og grenselaust moro! Våt moro kombinerar kjekke aktivitetar på dagtid og hæla i taket på kveldstid. AfterSea-quizen på fredag er tradisjon og verdt å få med seg.
• Palmekystfestivalen – God partyfaktor! Palmekystfestivalen samlar dei frå 0 – 100 år til god stemning, og har dratt i land artistar som Kamelen, Postgirobygget og RocBoyz. 
• Havblikk – festivalen ytterst i havgapet. I juni barkar dei 60 innbyggarane på Fanøy i gong festivalen Havblikk. Her kombinerar dei god musikk med bølgjeskvulp og rått landskap. 
• Himmel og Hav – ein komplett kystfestival! Tredje helga i juni brakar det laust i Florø. Med Kinnaspelet, Sildebordet, Laksens dag og Musikkfestival, så kjem det til å bli ein fargerik og sjarmerande festival med eit mylder av aktivitetar.

Hald deg oppdatert

• Flora U40 på Facebook og Instagram – her kan du jamnleg finne små og store arrangement der du kan stifte nye bekjentskap. 
• Vesle Kinn – det lokale bryggeriet Kinn Bryggeri har eigen pub, og har quizar, konsertar, fagkveldar og mykje hygge. 
• Kjøpe – Selge – Leie – Bytte – Låne – Gi bort – i Florø og omegn
• Hva skjer i Florø og omegn